मंबाजी,
तुमचे आभार मानावे
तेवढे थोडेच.
तुमच्या वाकड्या सहाणेने
लावली शब्दांना अभंग धार
नि
वीणेला दिला
तुमच्या तेढ्या खुंटीने आधार.
तुमच्या दगडी भिंतीशिवाय
एवढा उसळलाच नसता
‘त्रिगुणांचा चेंडू’.
तुमच्या विज्ञानाने तर
कमालच केली मंबाजी,
पूर्वी त्यानं
भिंतीला मोटार काय लावलीन्
रेड्याच्या मुखी स्पीकर काय बसवला.
अन्
आता
बनवलं
खास विमान
तुक्याचा देह उडवण्यासाठी.
तुम्ही
असे टाचा उंचावून
त्याच्या शेजारी उभे राहिले
की तो आकाशाहूनही मोठा वाटतो.
साध्यासुध्या गावकर्यांच्या
हृदय-सिंहासनावर
त्याला विराजित करण्यात
तुमचा वाटा आहे सिंहाचा
आणि
तोच आहे
तुमच्या मुक्तीचा मार्ग:
मिळवा
तुमचा सानुनासिक स्वर
त्यांच्या घोषात-
बोऽल
तुकोऽबादशाऽऽकीऽ
जयऽऽ!
शीर्षकानुसार कवितांचा शोध :
शीर्षकानुसार गझलांचा शोध :
शीर्षकानुसार लेखांचा शोध :
`नाथ हा झाला संत महान' हे माझे गीत सुरेश वाडकर / उत्तरा केळकर यांच्या स्वरात ऐकण्यासाठी > क्लिक करा.
‘अनाथांचा नाथ नाथ महादेव’ हा माझा अभंग सुरेश वाडकर यांच्या स्वरात ऐकण्यासाठी > क्लिक करा.
0 टिप्पणी(ण्या):
टिप्पणी पोस्ट करा