● श्रीकृष्ण राऊत : कविता ●

श्रीकृष्ण राऊत हे समकालीन मराठी कवितेतलं एक महत्त्वाचं हस्ताक्षर.प्रयोगशीलता हा त्यांचा प्रतिभाधर्म.आशयसूत्रे आणि आकृतिबंध अशा दोन्ही अंतर्बाह्य अंगांनी अभिनव होऊन प्रकटणारी त्यांची कविता बहुरूपिणी आहे.कधी ती गझलसारख्या शास्त्रधाटीत रमते,कधी अभंग-लोकगीतांच्या अनघड लयीत लकेरी घेत लोकधाटीत विहरते;तर कधी छंदमुक्त होऊन लीलया दीर्घ पल्ला गाठते.‘एकविसाव्या शतकाच्या उंबरठ्यावर जन्म घेणार्‍या तान्ह्या मुला’ हा त्यांचा गाजलेला कवितासंग्रह.

सुरुंग

त्यांच्या
पाळीव ज्योतिषांनी
मांडलेल्या कुंडलीत
नसतो ग्रह
इतिहासाची पुनरावृत्ती होण्याचा.

पण
गोदामात पडलेली
उंदरांची बिळेच
लावत असतात
सुरुंग
कुठल्याही सिंहासनाला.

1 टिप्पणी:

Abhishek म्हणाले...: मस्त!!; १ नोव्हेंबर, २०१४ रोजी ८:५० AM

टिप्पणी पोस्ट करा

Linkbar

सुरुंग

1 टिप्पणी: